Hopp til toppmenyen på siden Hopp til hovedinnholdet på siden
A A A

Bibliotek

Seljord bibliotek, Nyveg 16, 3840 Seljord. Tlf. 35 06 51 56, e-post, Facebook

OBS! For arrangement og tilstellingar - sjå bibliotekets facebookside.

Ordinære opningstider: Måndag, tysdag og torsdag kl. 09.00-19.00, onsdag og fredag kl. 09-15.
Meirope bibliotek: Måndag, tysdag og tordag kl. 19.00-22.00, onsdag kl. 15.00-22.00

OBS! Endra opningstider i skuleferiar.

Meirope bibliotek betyr tilgang i ordinær opningstida på Granvin, men utanom bibliotekets bemanna opningstid. Du må vere over 18 år og ha avtale om innlogging, det får du på biblioteket!  Avtale om tilgang meirope bibliotek

Søk i bibliotekets samling Der kan du også logge inn med ditt lånekort og PIN-kode under Meg og mitt for å administrere låna dine.

 

Harepusløypa blues - boklansering med Odd Jan Sandsdalen 20. april

Odd Jan Sandsdalen (f.1944 i Seljord) gjer i år comeback som lyrikar etter 23 år!
I den nye diktsamlinga, "Harepusløypa blues" blir vi med forfattaren på ei reise i sorg, i kjærleik og takksemd til menneske og stader som har stått han nær. Odd Jan er son av forfattarparet Halvor J. Sansdalen og Ingebjørg Kasin Sandsdalen, som begge fekk Kongens fortenestemedalje i gull 1996.
Det er Tekst Forlag som utgir boka. 

Jon Svartdal og Frode Birkeland bidreg med diktopplesing.

Boklanseringa startar kl. 19.

Gratis og ope for alle! 
Vel møtt!

Bilete av diktaren Odd Jan Sandsdalen

Forfattarbesøk av Brynjyulf Jung Tjønn 14. april

Brynjulf Jung Tjønn er forfattar av både barne-, ungdoms- og vaksenbøker. TJønn skriv også dikt. Han vann Brageprisen for beste barne- og ungdomsbok i 2013 for boka "Så vakker du er". Han har vore nominert til ei rekkje prisar. Hans siste bok er diktsamlinga "Kvit, norsk mann" som tematiserer det å vakse opp i Noreg, om det å vere adoptert og erfaringar med kvardagsrasisme. Dikta er både såre og vonde, men tidvis også morosame.
Forfattarbesøket startar kl 18. 
Arrangementet er eit samarbeid med Vinjesenteret.
Forfattarmøtet er gratis og ope for alle.

Velkomne!
Brynjulf Jung Tjønn

Dyrking heime, med Anne Gro Lønnestad 23. mars

Velkomne til ein kveld om økologisk dyrking og kva du kan gjere sjølv heime i eigen hage.
 
Anne Gro Lønnestad er utdanna agronom innan økologisk landbruk og er driftsansvarleg ved Seljord hage. Ho kjem til Seljord bibliotek for å snakke om dyrking heime i eit globaløkologisk perspektiv. Ho vil knytte dette til kva ein kan gjere heime i eigen hage og gje tips og råd på vegen.
Foredraget startar kl 19.
Arrangementet er gratis og ope for alle.

Vel møtt! 
Anne Gro i Seljord hage

Forfattarbesøk av Tore Renberg 21. mars

Vi har gleden av å presentere at forfattar Tore Renberg kjem til Seljord bibliotek tysdag 21. mars kl. 19.

Velkomen til ein særeigen kveld med den folkekjære og prisbelønte forfattaren frå Stavanger, kjent for romaner som “Tollak til Ingeborg”, “Du er så lys” og romanane om Hillevågsgjengen og Jarle Klepp. Det er første gong Tore har et arrangement i Seljord, han vil snakke om livet som skrivande menneske, om bøkene, det blir ein kveld med varme, menneskekjennskap, alvor og humor. Vi sjåast!
Arrangementet er gratis og ope for alle.
Seljord mållag er medarrangør.

Velkomne! 
Bilete av forfattar Tore Renberg

Stoppestad Seljord 13. mars

Måndag 13. mars får vi besøk av den kjende tekstilkunstnaren Kari Steihaug på Seljord bibliotek. 

Programmet for kvelden ser slik ut:

  • kl. 18: foredrag med Kari Steihaug om hennar kunstnarskap. Gratis og ope for alle.
  • kl. 19: stoppeverkstad med Kari Steihaug - ta med eit plagg med hol i eller kom for å lytte, sjå og lære. Påmelding til lbmbirds@gmail.com. Eigenandel 100 kr.

Arrangementet skjer i samarbeid med Seljord og Kviteseid Husflidslag og Seljord kunstforening.

Stoppeverkstad

Opningstider i jula 2022

Seljord bibliotek held stengt fredag 23.12.

Vi har ope tysdag 27.12 frå kl. 10 - 14. Då blir det lesestund for dei minste kl. 12. Velkommen!

Vi ynskjer alle våre bibliotekvener ei riktig god jul og eit godt nytt år! Velkommen att i 2023! 

Juletrepynt

Adventskalender på biblioteket

Kvar kvardagsettermiddag kl 14 frå og med 1. desember og fram til juleferien vil vi opne Galtvorts magiske julekalender og lese høgt eit kapittel frå "Harry Potter og de vises stein". Alle barn som har lyst og får lov er hjerteleg velkomne til å delta.

Galtvorts magiske julekalender

Biblioteket er ope tysdag og torsdag i haustferien

Vi minnar om at biblioteket held ope tysdag og torsdag i haustferien (veke 41) frå kl. 12 - 19.

Vi ynskjer alle ein riktig god haustferie!

Velkommen innom for å finne litt lesestoff til ferien, eller berre for å ta ein titt!

Seljordsvatnet sein haust

Amal Aden - "Hyllest til kjærligheten"

Amal Aden kjem til Seljord bibliotek tysdag 4.10 kl. 19.

Den kjende samfunnsdebattanten og forkjemparen for fri kjærleik og LHBTIQ-personar, Zola-prisvinnar og forfattar, Amal Aden, kjem til Seljord bibliotek med foredraget "Hyllest til kjærligheten".
 
Arrangementet kjem i stand med støtte frå Kulturrådet og Skeivt kulturår 2022.
Seljord bygdepride og Seljord bibliotek samarbeider om denne kvelden.
Velkommen til Seljord bibliotek tysdag 4.10 kl. 19!
Amal Aden