Personleg eller upersonleg buplikt
- På landbrukseigedom med lovbestemt buplikt gjeld personleg buplikt, dvs. at buplikta er oppfylt frå den dato eigar sjølv er registrert busett på adressa i tråd med reglane i folkeregisterlova.
- Vel kommunen å stille vilkår om buplikt for å innvilge konsesjon, skal kommunen samtidig ta stilling til om buplikta skal vere personleg.
- For bustadeigedomar gjeld upersonleg buplikt. Det vil seie buplikta er oppfylt frå den dato eigar eller leigetakar er registrert busett på adressa i tråd med reglane i folkeregisterlova.
Buplikta si varigheit
- Lovbestemt, personleg buplikt på landbrukseigedom har ei varigheit på fem år.
- Buplikt gitt som konsesjonsvilkår har normalt ei varigheit på 5 år ved personleg buplikt. Dersom det vert stilt konsesjonsvilkår om upersonleg buplikt, gjeld den ofte i heile eigartida.
- Buplikt som følgje av nedsett konsesjonsgrense/nullkonsesjon gjeld i heile eigartida.
Nedsett konsesjonsgrense/nullkonsesjon
Seljord kommune har innført forskrift om nedsett konsesjonsgrense/nullkonsesjon. Formålet er å hindre at eigedomar som bør nyttast som heilårsbustader blir nytta som fritidsbustader. Forskrifta gjeld i heile kommunen for:
- Bebygd eigedom som er eller har vore i bruk som heilårsbustad. Dette kan for eksempel vere bustader i regulerte bustadfelt, leiligheiter, bustader på små landbrukseigedomar og frittliggande bustader på frådelte tomtar.
- Eigedom med hus (bebyggelse) som ikkje er teke i bruk som heilårsbustad - i område regulert til bustadformål.
- Ubebygd tomt - regulert til bustadformål.
Sjå lenkje til forskrifta i lenkeboksen
Kva er konsekvensen for deg som vil kjøpe bustad?
Bustadeigedom, som elles kan overtakast konsesjonsfritt og utan buplikt, kan i Seljord berre overtakast konsesjonsfritt viss kjøpar forpliktar seg til å sørge for fast busetting innan eitt år.
Men, nær slekt kan overta bustadeigedom og nytte eigedomen til fritidsformål under føresetnad av at familien har hatt heimel til eigedomen i minst fem år. Figuren nedanfor viser kven som vert rekna som «nær slekt». (Landbruksdirektoratet)
Sambuarar i ekteskapsliknande forhold, jf. arveloven § 28 a, og deira nære familie er omfatta på same måte som ektefeller.
Korleis oppfylle buplikta?
Som fast busetting reknar ein at eigaren eller andre er registrert busett på eigedomen i tråd med reglane i folkeregisterloven. Skatt Sør kan gje rettleiing om folkeregisterlova.
Når må det søkjast om konsesjon for eigedomen?
Det må søkjast konsesjon for eigedomen dersom:
- Kjøpar vil søkje om fritak frå buplikta.
- Kjøpar vil søkje om utsett frist for tilflytting.
- Kjøpar ser at det ikkje let seg gjere å sørge for fast busetting innan eitt år når det nærmar seg fristen for tilflytting.
- Fyll ut skjema LDIR-359, Søknad om konsesjon på erverv av fast eigedom. Bruk feltet for tilleggsopplysningar side 3 for å begrunne søknaden.
Eigedom med utleigeeining
Det er nok med heilårsbusetting anten i hovuddelen eller utleigedelen av bustaden. Buplikta kan ikkje oppfyllast ved kortvarig utleige, utleige av feriebustad e.l., men må ha heilårsbusetting som formål.
Eigedom med fleire bueiningar
Til dømes fleire bustadhus på same tomt:
Det er nok med fast busetting i ein av bustadane.
Til kvar sender du søknaden?
Seljord kommune, Brøløsvegen 13 A, 3840 Seljord eller post@seljord.kommune.no