Helsestasjon og skulehelseteneste
Helsestasjonen og skulehelseteneste er eit gratis lågterkseltilbod. Vi som arbeider her er helsesjukepleiar, jordmor, barnefysioterapeut og lege.
Seljord helsestasjon tilbyr oppfølging av gravide, heimebesøk, sped- og småbarnskonsultasjonar med helseundersøkingar, foreldrerettleiing, helseopplysning, vaksinasjon (vaksinasjonsprogrammet), prevensjonsrettleiing, SOI, støttesamtalar, oppfølgjing av familiar med spesielle behov, og tverrfagleg samarbeid.
Barns helse, miljø og sikkerheit
- Utetid når det er kaldt
Pdf, 113 kB. - råd frå kommuneoverlegen - Barns miljø og sikkerheit - Brosjyrar for ulike aldrestrinn - ulike språk
Lenke til et annet nettsted, åpnes i nytt vindu. - Når barnet skader seg, råd om fyrstehjelp
Lenke til et annet nettsted. - Barnevaksinasjonsprogrammet, utfyllande informasjon frå Folkehelseinstituttet Lenke til et annet nettsted.
- Mat og måltider for barn. Helsedirektoratet Lenke til et annet nettsted.
- Barn og sol. Folkehelseinstituttet Lenke til et annet nettsted.
- Søvn og søvnvanskar, barn over 2 år. Helsenorge Lenke til et annet nettsted.
- Søvn - spebarn. Helsenorge Lenke til et annet nettsted.
- Barn i bil. Brosjyrar på ulike språk Lenke til et annet nettsted, åpnes i nytt vindu.
- Helsenorge - Sikkerheit for små barn Lenke til et annet nettsted, åpnes i nytt vindu.
- Feber hos barn - Helsenorge Lenke til et annet nettsted, åpnes i nytt vindu.
Informasjon om skabb
Skabb
Det er ei auke av smitta personar med skabb i samfunnet.
Skabb er ein hudsjukdom som skuldast ein skabbmidd som graver gangar i huda og legg egg. Typisk for denne tilstanden er at ein plutseleg får ein plagsam kløe som blir opplevd mest intens etter at ein har lagt seg under dyna. Kløen er sterkast på stader der skabbmidden finst, men kløen rammer etter kvart heile kroppen. Hovud og nakke går som regel fri for smitte og kløe. Dei fleste utviklar kløande, raude prikkar, av og til små blemmer, og etter kvart skorper som følge av kløinga.
Skabbmidden blir overført frå person til person ved litt lengre hudkontakt (cirka 15 minutt ). Skabbmidd kan overleve i t.d. sengetøy i kort tid, inntil fire døgn, og dette kan vere smittekjelda i nokre tilfelle.
Utslettet og kløen skuldast ein allergisk reaksjon mot midden og midden sine avfallsprodukt. Denne reaksjonen kjem tre til fem veker etter at du har blitt smitta.
Behandling av skabb:
Det er avgjerande å kvitte seg med eventuell skabbmidd som kan vere i huset. Skabbmidd vil døy etter to til fire døgn utan kontakt med hud. Sengetøy, håndklede og klede som har vore nær huden, må vaskast ved 60 grader. Tøy som ikkje tåler dette, kan hengast bort i ei veke, eller leggast i ein fryseboks over natta. Større plagg og yttertøy, dyner, teppe, puter og madrassar må luftast godt og kjøleg og settast bort. Hugs å reingjere PC og mobiltelefonar som også kan vere moglege smittevegar.
Medikamentell behandling:
Skabbsmitte kan behandlast med permetrin krem (Nix®). Det er særs viktig å gjennomføre behandling på riktig måte for at den skal vere effektiv. Sjå eigen informasjon med detaljert instruks. Det blir rådd til å gjenta behandlinga etter ei veke.
Andre råd:
I tillegg til den sjuke skal alle familiemedlemmer og nære kontaktar (husstandsmedlemmer, seksualpartnar) behandlast, sjølv om dei ikkje har kløe, utslett eller andre teikn på smitte. Behandlinga bør skje samtidig for alle. Sjølv om behandlinga er vellukka, kan kløen vedvare i opptil fire veker. Ein kortisonsalve vil kunne dempe denne kløen.
Me kan alle vere med på å redusere tal på smitta i samfunnet.
I lenkene under kan du lese meir om skabb dersom du vil vite meir:
Sist oppdatert