Restriksjonar på hagevatning i Seljord kommune 💧

På grunn av sterkt aukande vassforbruk og for å sikre nok vatn til alle innbyggjarar blir det innført restriksjonar på hagevatning frå 3. juli til 15. august. Restriksjonane gjeld alle som er tilknytta kommunalt vatn.

Dette gjeld kun Seljord sentrum området.
Gjelder ikkje Flatdal, Århusmoen, Åmotsdal.

For å redusere belastninga på vassforsyninga gjeld følgjande reglar:

Dette er tillate:

• Du kan vatne med handhalden hageslange mellom kl. 19.00 og 23.00 annankvar dag:

• Har husnummeret ditt eit partal (0, 2, 4, 6 eller 8), kan du vatne på datoar med partal.
• Har husnummeret ditt eit oddetal (1, 3, 5, 7 eller 9), kan du vatne på datoar med oddetal.

Dette er ikkje tillate:

• Vatningsspreiar
• Open slange utan tilsyn
• Svetteslange
• Dryppvatning
• Andre former for automatisk eller kontinuerleg hagevatning
• varsame med bruk av vatn til bilvask, husvask og liknande.

Ved å bruke vatnet med omtanke bidreg vi saman til å sikre ei trygg og stabil vassforsyning gjennom sommaren – både til innbyggjarane og til brannberedskapen.

Takk for forståinga og for at du bidreg til å ta vare på den felles vassforsyninga.