Alltid beredt? - Vest-Telemarkkonferansen 2026

Beredskap, inkludering og næringsutvikling er tema på Vest-Telemarkkonferansen i Vrådal torsdag 5. februar.

Arrangør

Vest-Telemarkrådet byr på 15 spennande innleiarar, sterke historiar, lokal inspirasjon, ordskifte og kortreist festmiddag på Straand Hotel.

Beredskap

Fylkesberedskapssjef Jan W. Jensen Ruud talar om utfordringar og samspel mellom næringsliv og kommunane. Distriktssjef Espen Tapper Saastad i Telemark sivilforsvarsdistrikt gir innsikt i sivilforsvaret som livsviktig støtte i fred og krig.

Frank Ellingjord-Dale er leiar for kvalitet og berekraft i Kjøpmannshuset Norge, og han hevdar at nærbutikken er livsnerva i lokalsamfunnet i kvardag og krise.

Inkludering

Ulf Andersen er statistikksjef i Nav og lovar tøffe tal som ikkje lyg - Vest-Telemark utan filter! Tone Susanne Kvasjordfrå Fyresdal deler si historie om vegen frå mobbing og utanforskap til å kjenne på at ho er god nok aleine.

AiR Ung er lokal medisin mot utanforskap. Det hevdar Solveig Svardal som er spesialrådgjevar på Rehabiliteringssenteret AiR.

Lokal inspirasjon

Her møter du seks private næringsdrivande frå høgst ulike verksemder i Vest-Telemark:

Helge Asle Lundeberg frå Brunvoll Mar-El i Tokke, Anette Forsdal frå Åsbergtunet i Fyresdal, Anna Dypvik Sødahlfrå Haukeliseter fjellstue i Vinje, Tor Jakob Tveit frå Jakob Tveit i Nissedal, Mogens Iversen frå Aasmundsens bakeri i Seljord og Eva Brekka frå NC-Spectrum i Kviteseid.

Frå Løvebakken

Stortingsrepresentant Line Marlene Haugen talar om reisa frå Vest-Telemark til Løvebakken, og fylkesordførar Sven Tore Løkslid opnar konferansen i Vrådal.

Program og billett

Sikre deg billett alt i dag på https://vest-telemark.no/konferansen Lenke til et annet nettsted.. Påmeldingsfrist er 31. januar.

Utfordrar

15 lokale og nasjonale innleiarar deler kunnskap og utfordringar om beredskap, inkludering og næringsutvikling. (Foto: Vest-Telemarkrådet)