Varsel om oppstart – utbetring av Svartdalsvegen

Seljord kommune varslar med dette oppstart av utbetringar på store delar av Svartdalsvegen.

Arbeidet starta opp i veke 20, og i veke 21 tek ein til med djuptstabilisering. Arbeidet vert utført av Telemark Transport og Entreprenørsentral AS på vegner av byggherren, Seljord kommune.

Tiltaket omfattar:

• Djuptstabilisering med lignin
• Avretting og høvling
• Grøfterensk
• Reasfaltering

Arbeidet vil medføre stenging av vegen i periodar mellom kl. 08.30 og 14.00. Det vil bli gjort løpande vurderingar av trafikkflyten, og tidspunkt kan difor bli justerte. Eventuelle endringar vert varsla. For å redusere totallengd på anleggsperioden, vil det òg kunne bli utført noko kveldsarbeid i vekedagane.

Frikøyring forbi arbeidsområdet vert etablert når det let seg gjere.

Informasjon og oppdateringar vil òg bli lagt ut i Facebook-gruppa "Kva skjer i Svartdal" og oppdatera på heimesida til Seljord kommune.

Vi oppmodar alle trafikantar om å vise omsyn og følgje skilting og anvisingar frå mannskap på staden, samt informasjon publisert via "Kva skjer i Svartdal".

Ved spørsmål, ta gjerne kontakt med Seljord kommune.