Gamal låve i Svartdal
Det er framleis godt med pengar igjen i ordninga for utvalde kulturlandskap i Hjartdal og Svartdal.
Alle som har eigedom og interesser innanfor avgrensinga, t.d. grunneigarar, drivarar, hytteeigarar, lag og organisasjonar som medverkar til å nå måla i forvaltingsplanen og eventuelle skjøtselsplanar, kan søkje.
Styret for UKL Hjartdal og Svartdal har for 2022 prioritert først og fremst restaurering av eldre bygningar, tiltak som fremjar biologisk mangfald, informasjonsopplegg for born og unge og tiltak til næringsutvikling.
Tiltaka må vere i tråd med forvaltingsplanen for UKL Hjartdal og Svartdal.
Du er velkomen til å søkje på alle tema som måtte høve for deg. Ta kontakt med Seljord kommune v/Maria D. Fremmerlid mobil 90 57 65 41 dersom du har spørsmål eller treng hjelp med søknaden. Du søker via www.altinn.no
Vi handsamer no søknader fortløpande fram til 4. november 2022.
Der har vi lagt oppdaterte retningsliner for 2022 for tilskot i utvalde kulturlandskap for Hjartdal og Svartdal, men du kan og lese dei her