Bibliotek

Kvar kvardagsettermiddag i heile desember har vi adventsstund med høgtlesing frå boka “Jul i Storskogen”, av Ulf Stark klokka 14. Alle er hjarteleg velkomne til å roe ned og berre lytte til ei koseleg julehistorie. Vi held til i barneavdelinga.

Vel møtt!

Ordførar Solveig Sundbø Abrahamsen kjem til Seljord bibliotek ein gong kvar månad for å møte og slå av ein prat med innbyggarane i kommunen. Du kan nytte høvet til å ta opp saker du er oppteken av, og gjere den politiske leiinga merksam på engasjement og det som rører seg. Følg med på vår Facebookside for dag og tidspunkt.

Seljord bibliotek inviterer til opning av dei tre nye stilleromma som er kjøpt inn for midlar gjeve av Sparebankstiftinga DnB. Vi har to små rom med plass til 1 til 2 personar og eit større med plass til 4. 
Stilleromma er primært tenkt til lekselesing, gruppearbeid, eksamensarbeid eller møte. Vi håpar dei vil kome innbyggarane i Seljord til gode, ikkje minst barn og unge.

Måndag 2. september kjem ordførar Solveig Sundbø Abrahamsen til biblioteket for å formelt opne stilleromma klokka 15. 
Vel møtt!

I skuleferien held Seljord bibliotek som vanleg ope kvar torsdag frå klokka 12 til 19. Dette gjeld for perioden 24.6 til om med 16.8.2024.

Vi ynskjer deg velkommen innom oss for ei roleg stund, avislesing eller lån av bøker og tidsskrift. Hugs at vi kan hjelpe med å reservere eller bestille inn bøker du ynskjer å lese.

Vi har mange fine sommarlespremier til alle barn som deltek i lesekampanjen. Kom innom og sjå!

God sommar!

Pga. nye distribusjonstider, kjem aviser og tidsskrift fyrst tpå føremiddagen, innan klokka 14. Vi beklagar denne ulempa!

Vi oppmoder publikum til å registrere lånekortet sitt i PressReader når de er på biblioteket, og dermed få tilgang til ei rekkje nasjonale og internasjonale aviser og tidsskrift digitalt. 

Sidan biblioteket fylgjer skuleruta, held vi stengt fredag 10. mai. Nytt helga til å gjere noko triveleg. Lån deg gjerne ei bok til helga.

Vi ynskjer alle ei fin langhelg og velkommen att måndag 13. mai!

Den 12. april fekk Seljord bibliotek overrekt 200 000 kr frå Sparebankstiftinga til investering i soneskapande møblar i biblioteket. Det har lenge vore etterlengta å få på plass fleire stillesonar og skjerma område der ein kan sitje i fred og ro å arbeide eller lese. Til dømes saknar mange barn og ungde ein roleg plass å gjere lekser, arbeide med gruppearbeid eller spele spel utan å bli forstyrra av andre. Det same gjeld studentar som har heimeeksamen eller besøkande som skal gjennomføre digitale møte.

Seljord bibliotek søkte derfor Sparebankstiftinga om støtte, og fekk den gledelege tildelinga i april i år. No ser dei fram til å velge ut passande møblar og legge endå betre til rette for barn og unge i biblioteket.