Varsel om planvedtak om detaljreguleringsplan for fjellbru og turveg på vestsida av Flatsjå. Klagefrist 1.12.21

Kommunestyret vedtok i møte 7.10.2021 detaljregulering for fjellbru og turvegbru på vestsida av Flatsjå.

Vedtak i kommunestyret:

I medhald av pbl § 12-12 vedtar Seljord kommunestyre detaljreguleringsplan for fjellbru og turveg på vestsida av Flatsjå.
De blir med dette varsla om planvedtaket i samsvar med plan- og bygningslova (pbl.) § 12-12. Den vedtekne reguleringsplanen er straks bindande for framtidig arealbruk i området.

Vi takkar for bidrag i planprosessen. Les meir om endringar av plankart, føresegner og planbeskriving etter høyring og offentleg ettersyn i saksframlegga og saksprotokollen.

Eventuelle klagar:
I samsvar med pbl. § 12-12 er grunneigarar og andre varsla ved dette brevet, og planvedtaket blir kunngjort Vest-Telemark blad.
Fristen for å klage på vedtaket er etter forvaltingslova § 29 sett til 1.12.2021.

Vi opplyser om tilgangen til å be om utsett iverksetjing av vedtak inntil klagefristen er ute eller klagen er avgjord, jf. forvaltingslova § 42.

Etter at klagefristen er ute, vil vi orientere forslagsstillaren, partar som saka får direkte konsekvensar for, og regionale myndigheiter om eventuelle innkomne klagar på vedtaket.

Erstatning/innløysing:
Krav om erstatning etter plan- og bygningslova § 15-2 og krav om innløysing etter den same lova § 15-3 må setjast fram seinast tre år etter at reguleringsplanen er kunngjord.

Du finn alle dokument frå planprosessen på Plansidene våre - Høyringar