Status smittesituasjon i Seljord, 28.10.21
Det har no vore ei auke i smittetilfelle med Covid-19, spesielt blant born.
I fleire tilfelle er det ukjent smitteveg og kommunen treng å få oversikt over smittesituasjonen. Dette skjer ved å utføre massetesting av elevar og tilsette ved Seljord barne- og ungdomskule, ved barnehagane i sentrum og i vaksenopplæringa.
Det vil bli delt ut hurtigtestutstyr til elevar og lærarar i dag, torsdag, og i barnehagane på fredag.
Alle elevar blir oppmoda om å gjennomføre hurtigtestane heime i løpet av torsdag 28.oktober, og fredag 29. oktober for barnehageborna.
Kommunen oppmodar alle til å framleis følgje dei generelle smittevernråda
Lenke til et annet nettsted, åpnes i nytt vindu. for å avgrense smitte:
- Sjuke skal halde seg heime og ta ein hurtigtest så snart som mogeleg
- Hugs på god handhygiene
- Gode hostevanar
- Hald avstand der det er mogeleg, og ta ekstra omsyn til personar i risikogrupper.
Kommunen ber òg alle som har symptom på Covid-19, og spesielt dei som ikkje er vaksinerte, om å teste seg. Vi oppmodar dei som endå ikkje har vaksinert seg om å gjere dette.
Sjølvtesting/ hurtigtest: Kontakt helsesenteret på tlf 35 06 52 50 og hent hurtigtest der.
Helsing Beredskapsleiinga
28. oktober 2021
Sist oppdatert