Heimetenestene

Informasjon om heimetenestene

Heimetenesta i Seljord kommune er inndelt i to distrikt: Distrikt Seljord og distrikt Flatdal/Åmotsdal, leia av to distriktsleiarar.
Kontor: Nesbukti pleie- og omsorgsenter, Nesvegen 10, 3840 Seljord

Heimetenesta sin kontakt i demensteamet: Bente Hovden
Tlf: 35 05 84 00

Kontaktperson hjelpemiddel hørsel: Liv Boyesen
Tlf: 35 05 84 00

Kontaktperson hjelpemiddel syn: Kari Synnøve Rue
Tlf: 35 05 84 20 

Kontaktperson hjelpemiddel bevegelse: Ragnhild Skrede
Tlf: 35 06 52 50

Heimetenesta har ansvar for kommunen sine pleie og omsorgsoppgåver utanfor institusjon.
Målet for heimetenesta er at alle som ynskjer det skal få bu heime så lenge som mogleg.

Heimetenesta består av sjukepleierar/ hjelpepleierar som tek seg av pleie- og omsorgoppgåver, og heimehjelp som tek seg av praktisk hjelp i heimen.

Distriktsleiarane er sakshandsamarar ved søknad om:

• Heimesjukepleie/heimehjelp.
• Matombringing: Middagen vert levera heim til brukar, ein til to gonger i veka.
  Middagen har to rettar; middag og suppe eller dessert.
• Trygghetsalarm: Heimebuande som kjenner seg utrygge og har eit særleg
  hjelpebehov/tryggleiksbehov grunna sjukdom eller funksjonshemming kan få dette ved å henvende seg til heimetenesta. Alarmen går via ein sentral som er bemanna av sjukepleiar heile døgnet. Denne vurderar om ein skal tilkalle heimetenesta i Seljord. Heimetenesta i Seljord har vakt heile døgnet.

Distriktsleiar er sakshandsamar, medan tiltaksteam avgjer søknad om:

• Omsorgsbustadar. Det er 7 omsorgsbustader ved Nesbukti, og 11 ved Heddeli.
  Bustadane er tilrettelagt for rullestolbrukerar.
• Opphald Heddeli bu –og servicesenter/Steinmoen bu –og servicesenter, samt søknad om opphald Nesbukti pleie –og omsorgsenter der søkjar kjem frå heimen.

Tekniske hjelpemiddel:

Seljord kommune har eit lager av ymse hjelpemiddel til kortvarig utlån. Dersom ein skal låne hjelpemiddel utover 3 månader, må ein søkje hjelpemiddelsentralen. Utlån vert formidla via heimetenestene.

Sist oppdatert 15.09.2011